26 oct 2013

"QUANTIC LOVE"(3): os libros de Laila

Laila é unha moza con escasa formación científica pero cunha gran curiosidade por aprender. Para elo se enfrasca na lectura dalgúns títulos que colle na biblioteca do CERN. Por se tamén queres ampliar os teus coñecementos científicos deixamos aquí eses libros mencionados pola aprendiz.

O seu pai regálalle unha axenda Moleskine cunha cita de Peter Mathiessen ("Un home sae de viaxe e é outro o que regresa") autor de "EL LEOPARDO DE LAS NIEVES", a novela de viaxes favorita do pai de Laila.
No capítulo 6 lemos:"...Arthur hojeaba un libro que esa misma mañana, yo había sacado de la biblioteca del CERN. El título me había llamado la atención: "Está Usted de broma Mr. Feynman?"... al parecer narraba anécdotas de uno de los mejores físicos -y uno de los más excéntricos del siglo pasado (p. 43)"

No capítulo 8, Alessio explica a Laila que Gell-Mann, o físico que teorizou sobre os quarks, sacou a palabra dunha novela incomprensible de James Joyce titulada FINNEGANS WAKE. "El pasaje decía algo así como: "Three quarks for Muster Mark! Sure he has not much of a bark. And sure any he has it's all beside the mark".

Durante o picnic que celebran no lago Leman, os protagonistas da historia falan de visitar a Villa Diodati, mansión de verán de Lord Byron, na que Mary Shelley deu vida á súa obra mestra, Frankenstein ( considerada o primeiro texto de ciencia ficción).
Finalmente, se como a Laila che atraen os libros de divulgación científica, anímate a ler UNA BREVE HISTORIA DE CASI TODO (e a súa versión ilustrada "Una muy breve historia de casi todo" que atoparás na nosa biblioteca).


"QUANTIC LOVE" (2): a MÚSICA NO LIBRO

Xa sabes que o libro ten como banda sonora oficial unha canción do grupo NIKOSIA recollida nas páxinas finais. Con permiso de YOUTUBE e deste grupo, aquí a tedes:

  
Ó longo da estancia de Laila no CERN a música está moi presente marcando  distintos momentos das súas vivencias alí. Aquí tes algúns exemplos para que amplíes a túa cultura musical:

  • Cando Layla chega á residencia do Cern por primeira vez, cansada trala viaxe túmbase na cama e selecciona no seu IPod Nano unha pista de Nikosia, Melancholy nº1. "Aquella canción encajaba como anillo al dedo en mi estado de ánimo" (p. 18)


  • No capítulo 6, tras coñecer a Brian , chega á súa habitación de cuxo "interior surgía el ritmo encabalgado de Knights of Cydonia, de Muse" (p.39):




  • A protagonista visita a cidade de Xenebra na súa primeira cita con Alessio para acodir a un concerto de jazz. Alí, o xornalista suizo fálalle dunha das cancións interpretadas, "MAD ABOUT THE BOY". "La original, de Dinah Washington, tenía letra. Habla de una jovencita que se enamora locamente de un chico que le quita el sueño". (p. 101)

  • Angie e os seus amigos danlle a coñecer a Laila o grupo "Les Horribles Cernettes", banda fundada no CERN por unha secretaria farta de esperar ó seu mozo químico. A canción "COLLIDER" trata das solitarias noites que sofre a desgraciada moza do científico que lle adicaba máis tempo á busca de partículas diminutas cá ela (p. 111-12). UNHA CURIOSIDADE: este grupo musical protagonizou a primeira foto subida á World Wide Web e foi o primeiro en dispoñer de páxina web no ano 1992.


  • No auditorio do CERN a xoven camareira, Laila, aproveita para ver como era a sala que concentraba tantos "cerebritos". Alí descobre un piano e interpreta "la única canción que me sé de memoria... No Holly for Miss Quinn de Enya" (p.134)


"QUANTIC LOVE" (1): CIENCIA E CIENTÍFICOS

As referencias ó mundo de ciencias como a Física, Astronomía, Química e Matemáticas e a científicos de tódolos tempos son innumerables en Quantic Love. Aquí tes unhas cantas:
  • A historia de amor de Laila  ten lugar no CERN, onde por momentos séntese como a perriña Laika no Sputnik 2 perdida na fría inmensidade do cosmos. Unha curioside deste centro de investigación europeo é que as súas rúas levan nomes de científicos como Schöringer (Nobel de Física en 1933) ou Perrin.
  • O anciano abuelete que coñece no autobús que a leva ó CERN dende o aeroporto resulta ser Murray Gell-Mann.
  • Angie, a intelixente compañeira de dormitorio da protagonista di ser descendente  do astrónomo Percival Lowell.
  • O "colapso de citas" que sofre Laila, é un exemplo perfecto da teoría do "colapso de posibilidades" e do "principio de superposición" tal e como explica Angie.
  • O documental ó que acode con Brian (e no que este queda a durmir) acerca a Laila á figura de Albert Einstein, de Niels Bohr e da muller do primeiro Maric Mileva. Einstein "no sólo escribió sobre la teoría de la relatividad, sino también publicó su trabajo sobre el efecto fotoeléctrico. Gracias a eso él obtuvo el Nobel, y a nosotros se nos abren las puertas de los supermercados al pasar" explica Brian.

  • A teoría da relatividade resulta moi fácil de entender co exemplo que atopamos no libro: "Si estás al lado de una chica bonita duratne dos horas, creerás que ha pasado un solo minuto. Pero si te sientas encima de una plancha candente unos segundos, creerás que han pasado dos horas. Esto es la relatividad" .

  • O tan de actualidade "bosón de Higgs" ou "partícula de Deus" tamén ten un sitio no libro. Hai que lembrar que é a partícula encargada de dar masa ás cousas. Peter Higgs (Premio Príncipe de Asturias de investigación científica e Técnica  -xunto co CERN- e Premio Nobel de Física no 2013, propuxo xa fai medio século a súa existencia pero non foi ata fai moi pouco que a demostrou.
  •  A esfera armilar ou astrolabio que Laila contempla no observatorio-museo ó que é invitada por Alessio resulta ser un astiluxio composto por aneis móbiles para
    demostrar o movemento das estrelas ó redor da terra. Dísenos que na Idade Media era un símbolo de coñecemento e sabiduría atopado con frecuencia nos retratos da xente adinerada da época

24 oct 2013

LA PUERTA DE LOS TRES CERROJOS


Para os que somos totales descoñecedores do mundo da Física, este libriño ofrécenos a oportunidade de entender dun xeito sinxelo o mundo cuántico da man do protagonista . Non é preciso ser ningún experto: basta con abrir a primeira páxina do libro e acompañar a Niko nunha viaxe que se inicia cunha frase provocadora:

"SE QUERES QUE SUCEDAN COUSAS DIFERENTES, DEIXA DE FACER SEMPRE O MESMO".

Non imos destripar aquí o argumento do libro (para iso estás ti). Pero por se aínda non estás moi decidido a iniciar este periplo polo mundo da Física deixámosche algúns anacos de información que quizás che aclaren as ideas.

Comezaremos polo VÍDEO OFICIAL de presentación do libro:




Se espertou a túa curiosidade quizás che interese saber algo máis da autora. Tes algúns datos sobre a súa traxectoria no propio libro: dicir que é Doctora en Física pola Universidade de Barcelona e que na actualidade cambiou o seu traballo investigador pola divulgación. Podes coñecer mellor a súa obra se miras estoutro vídeo.

20 oct 2013

LER CIENCIA

Este é o tema proposto pola Biblioteca do noso centro para este curso. É unha coincidencia que tamén as Bibliotecas Escolares de Galicia estean a promover a lectura de textos científicos e tecnolóxicos así que aproveitamos o poster promocional deseñado pola ilustradora galega PATRICIA CASTELAO.


No noso club apuntámonos a esta proposta, e xa temos ós dous grupos (Laretiñas e Laretas)  lanzados a descobrir os misterios da FÍSICA e o AMOR CUÁNTICO da man de Sonia Fernández-Vidal e dos seus 2 libros:

19 oct 2013

CURSO 2013-14:CALENDARIO DE REUNIÓNS

A modo de recordatorio deixamos aquí as datas previstas para as nosas xuntanzas nos vindeiros meses.
Lembrade que pode haber modificacións debido a outras actividades do calendario escolar, polo que teredes que estar atentos ós avisos!!

1º TRIMESTRE 
  • 1ª REUNIÓN: 28 OUTUBRO
  • 2ª REUNIÓN: 25 NOVEMBRO
  • 3ª REUNIÓN: 16 DECEMBRO (Cine-CLUB)
2º TRIMESTRE 
  • 4ª REUNIÓN: 20 XANEIRO
  • 5ª REUNIÓN: 24 FEBREIRO
  • 6ª REUNIÓN: 31 MARZO
  • 7ª REUNIÓN: 7 ABRIL (Cine-CLUB)
3º TRIMESTRE 
  • 7ª REUNIÓN: 28 ABRIL
  • 8ª REUNIÓN: 26 MAIO

OLA A TODOS DE NOVO!

Pasaron moitas semanas e moitas cousas dende o noso último contacto. Rematou o curso e despedimos ó grupiño de lectores de 4º de ESO, iniciadores do club  no IES Poeta Añón fai tres anos. Dende aquí damos as grazas a todos eles por ter compartido connosco tan bos momentos: LUCÍA, ADRIÁN, AGUSTÍN, JULIÁN, SERGIO, LARA, ANDREA, NEREA E TAMARA.

CURSO 2011-2012

CURSO 2012-2013

8 jun 2013

TRILOXÍA "DIVERGENTE" de Verónica Roth

Deixámosvos aquí a recomendación de Alba Calo de 2ºA, membro do Club e incansable lectora.



"DIVERGENTE"

"Encantoume dende a primeira páxina.É un libro moi fácil de ler. Paseime toda a noite en vela lendo xa que é un libro que engancha, parecido a "Los juegos del hambre" pero con outras bases. Na miña opinión é mellor este. Ë un libro cheo de acción pero ante todo unha historia de amor preciosa. Recoméndollo a todo o mundo ó que lle guste ler: asegúrovos que vos vai encantar".

"INSURGENTE"

"Debo dicir que me gustou máis a primeira parte, non porque esta teña algunha carencia, todo o contrario, senón porque os protagonistas, a parella sentimental, sempre se están pelexando; iso si, dicir que acaban reconciliándose.
Con máis acción e intriga que a primeira entrega desta fabulosa triloxía, non me disgustou para nada".

PERSONAXES e MÁIS INFORMACIÓN
"O meu personaxe favorito é Tobías, o mozo da protagonista, tamén coñecido como Cuatro, pero non vos desvelarei o segredo que garda ese nome: tedes que descubrilo lendo o libro. Tamén me guatou moito o personaxe de Tris, a protagonista, porque a medida que vas lendo podes observar que crece moito como persoa, tanto a nivel emocional como  a nivel intelectual.
A terceira entrega sairá a finais deste ano, mentres que a adaptación á gran pantalla púxose en marcha este mesmo mes, polo que espero con impaciencia  o 22 de outubo deste ano para o último libro da triloxía e o 21 de abril do ano que vén para poder ver a película."

21 may 2013

INTERCAMBIO de CLUBS DE LECTURA (2ª parte): Visita do IES Leliadoura a Outes

O pasado día 6 de maio tivemos a ocasión de acoller no noso centro ós membros do Club de Lectura do IES Leliadoura de Ribeira, como parte do intercambio que iniciáramos semanas antes e do que vos informamos tamén neste blog.

Tras amosarlles o noso centro e instalacións, compartimos xantar e posteriormente falamos da experiencia que supón formar parte dun club de lectura. Houbo tamén tempo para comentar e recomendar lecturas, como xa fixéramos no anterior encontro.
Posteriormente, chegou o momento de amosar algúns dos  recunchos máis fermosos do concello de Outes. Fixemos unha pequena guía con información dos lugares a visitar pero lamentablemente, a choiva non nos dou tregua e nos acompañou durante toda a viaxe a Pontenafonso, ó Pazo do Tambre e á praia de Broña.  A auga que caía, aparte de non permitirnos realizar o percorrido planificado que incluía parte do Roteiro Añón, obrigounos a permanecer sentados dentro do bus a meirande parte do tempo. Aquelo de que "nunca choveu que non escampara" non se cumpriu ese día. Foi unha auténtica mágoa!. Sentímolo especialmente polos nosos invitados.

Véndolle o lado positivo, esa imposibilidade de realizar a visita en boas condicións quizás sexa a escusa perfecta para regresar a Outes e velo radiante noutras condicións meteorolóxicas máis benévolas.
Como "souvenir" da ocasión, fixemos este mini-vídeo coas escasas fotos que tomamos a risco de afogar as cámaras en tanta auga. Esperamos que vos guste.


23 abr 2013

A NOSA HOMENAXE Ó LIBRO: encontro de CLUBS DE LECTURA: IES LELIADOURA de Ribeira e IES POETA AÑÓN de Outes

Onte estivemos de celebración. Adiántamonos unhas horas á conmemoración do DÍA DO LIBRO  para compartir co Club de Lectura do IES Leliadoura o xantar, as nosas experiencias lectoras e o seu fantástico patrimonio natural. Esta é a crónica desa xornada
  • Os Laretas e Laretiñas fomos recibidos polo vicedirector, Jose Antonio- para que logo digan que os equipos directivos non se implican!-. Foi un "cicerone" de luxo que aparte de amosarnos as instalacións invitounos a visitar unha interesante mostra da II República con materiais múltiples (libros, cartaces e obxectos da época entre outras moitas cousas), mostra que despertou a nosa curiosidade por ese período histórico.
  • Chegou despois a hora do xantar e posteriormente, tras perder a vergoña inicial, a rapazada comentou as súas lecturas favoritas, tanto aquelas propostas polo club como as que escolleron a nivel persoal. As coordinadoras tomamos boa nota do que escoitamos, porque sabemos ben o complicado que é dar cun libriño que agrade a meirande parte dos membros do club. Claro que tamén sabemos que esa lectura é moitas veces un fío do que tiramos, unha excusa para charlar das nosas vivencias persoais. Vimos tamén os seus PASAPORTES LECTORES personalizados. Que boa idea para anotar impresións sobre os textos lidos ou para recoller unha frase que nos gustara dun determinado libro!
  • Como colofón, os nosos anfitrións leváronnos a un dos escenarios de Domingo Vilar na novela "A praia dos afogados". Arrecendimos o mar de Aguiño, da ría de Arousa, e finalmente ascendimos ó mirador da Rá onde quedamos coa boca aberta, literalmente, contemplando toda a liña de costa dende Fisterra ata A Garda.
Ós nosos anfitrións temos obrigadamente que darlles as GRAZAS por todo e por permitirnos gozar con eles dun fantástico día (podedes ler os detalles desta xornada tamén no blog da súa biblioteca clicando neste enlace.)
Quedan aquí algunhas imaxes desta xornada na presentación que tedes a continuación
AH!! E a festa continuará porque o día 6 de maio seremos nós, o Club Laretas, os que acollamos ós Leliadouros. Esperamos estar á altura!!.


23 de abril: DIA DAS LETRAS

Non podemos deixar escapar a ocasión de lembrarvos a todos que hoxe é a nosa gran festa, a dos lectores, a das persoas que amamos os libros. Porque como dí AGUSTÍN FERNÁNDEZ PAZ, un dos nosos autores de cabeceira "ONDE HAI UNHA BIBLIOTECA HAI UNHA LUZ". 
Co seu permiso imos reproducir aquí, parte do texto publicado nun cartaz que foi deseñado para a conmemoración do Día das Bibliotecas de 2008 e foi ilustrado por Xosé Cobas.

ABRE OS LIBROS e mergúllate na auga da vida que abrolla irreprimible desde as súas páxinas. Déixate arrastrar pola fervenza de voces, de linguas, de recendos, de paisaxes. Non esquezas nunca o abraio que experimentamos nos anos da infancia, cando se nos revela a dimensión máxica que teñen as palabras e descubrimos que as páxinas dos libros poden conter o mundo enteiro.
Como as labregas que se afanan na rebusca de espigas entre os regos despois da ceifa, tamén os escritores recollen as palabras unha a unha e elaboran con elas o humilde pan dos seus textos. Deste xeito fan que cheguen ata nós, sempre novas e sempre sorprendentes, pois os libros posúen a insólita capacidade de revivir e reinventarse en cada nova lectura.
Todas as persoas necesitamos as historias, os soños, as palabras, talvez sexa unha característica inscrita no ADN da humanidade. Necesitámolas coma o comer, como beber auga, xaora que si. Para entendermos o mundo e para entendernos a nós mesmos, para soñar outros destinos, para loar os dons que a vida nos dá. Sabemos que non poderiamos vivir sen o alento da imaxinación e da creatividade, sen as palabras que expresan a variedade e a beleza dos nosos desexos e dos nosos sentimentos.
Por todo iso, abramos os libros. Eles conteñen os soños, as paixóns, os medos, os amores, as risas. Nas súas paxinas habita a inmensa variedade de sentimentos e experiencias da humanidade, das persoas que viven agora en calquera lugar do mundo e das que desapareceron hai moitos anos.

10 abr 2013

RESUMO DOS ÚLTIMOS ENCONTROS

Aínda que non déramos sinais de vida no último par de meses, os Laretas e Laretiñas andivemos a descubrir novas lecturas e a disfrutar co cine.
Na nosa reunión de febreiro dous foron os libros propostos, dentro da literatura escrita en galego:
"Corazón de chocolate" de Jaureguízar (lectura para os máis novos do club).

 
 
 e "As cousas claras" de Neira Cruz (para os membros do club de  4º ESO).

Unha vez máis, os nosos lectores amosaron disparidade de criterios á hora de valorar as lecturas. Houbo a quen lles gustaron pero tamén a quen non... algo que tampouco nos debe de sorprender dado que cada lector ten os seus propios criterios e os seus propios gustos. Non hai que esquecer que, ó fin e ó cabo, pertencer a un club de lectura é, entre outras moitas cousas, ir construíndo a nosa propia bagaxe lectora.
Por se alguén se anima a ler calquera destes dous libros, deixámosvos os enlaces as guías de lectura que elaboramos para o club.
 Non todo foron lecturas nos últimos meses. Na xuntanza do 18 de marzo decidimos ir preparándonos para mergullarnos no mundo do suspense e do misterio de Agatha Christie, autora de "Dez Negriños" o noso próximo libro. Para elo compartimos cos nosos amigos invitados (cada membro do club invitou a un rapaz ou rapaza do centro) o xantar dese luns e a proxección do clásico "Asesinato en el Orient Express". Aquí tedes algunhas fotos desa xornada e dos outros encontros dos membros do club neste trimestre:

12 ene 2013

PRÓXIMA REUNIÓN: 21 DE XANEIRO


As nosas lecturas para a vindeira xuntanza son:
  •  para os Laretiñas de 1º e 2º ESO o libro de Jordi Sierra i Fabra
 

  • para os Laretas de 4º ESO a segunda novela de Khaled Hosseini
 


ANO NOVO, ILUSIÓNS NOVAS

Xa estamos de volta. O certo é que ultimamente temos o blog do club un tanto abandoado así que a ver se incluímos entre os propósitos para o 2013 o de tentar mantelo ó día coas actividades que levamos a cabo e recomendacións de lectura.

Dende o noso último post xa tivemos ocasión de reunir a Laretiñas e Laretas para falar das  lecturas propostas que foron respectivamente:
  •  "OS ESCARAVELLOS VOAN Á TARDIÑA" (de Maria Gripe) gustounos á meirande parte. Mesmo foi divertido ver as caras que puxemos ó degustar as pastillas de regaliz que un dos protagonistas da historia está seguido a meter na boca no convencemento de que agudizan o inxenio. Xa vedes nalgunha das fotos da presentación que tedes máis abaixo que as lectoras de 2º ESO  non comparten esa opinión. Pero falamos tamén de Exipto, do papel da muller no s.XVIII; da capacidade que teñen os animais (e as prantas!) de captar os nosos estados de ánimo; da autora María Gripe e dun naturalista chamado Linneo que estableceu unha nomenclatura ciéntífica en latín para tódolos seres vivos. Deixamos esta pequena guía de lectura por se a alguén lle apetece botarlle un ollo.
  •  " AS FRONTEIRAS DO MEDO" (de Agustín Fernández Paz) que dou pe a tratar distintos aspectos dos nosos medos persoais, da arte de René Magritte e de mouros entre outros moitos temas. Tamén deixamos o enlace á guía de lectura que elaboramos sobre este libriño de Fernández Paz.

Pero ademais na semana previa ás vacacións de nadal inauguramos unha nova sección do club adicada ó cine. Estreamos pantalla e equipo audiovisual no andar inferior da biblio e para a ocasión cada membro do club de lectura invitou a un amigo a asistir a esta sesión inaugural na que se proxectou a película "SUPER 8", acompañados dunha boa ración de "palomitas". Un éxito que esperamos repetir nos vindeiros meses.

Deixamos unha presentación con fotografías que recollen distintos momentos das actividades das que falamos.