Amosando publicacións coa etiqueta A Silent Voice. Amosar todas as publicacións
Amosando publicacións coa etiqueta A Silent Voice. Amosar todas as publicacións

19 de dec. de 2023

The Shape of Voice

É o título en inglés do filme xaponés do ano 2016 que está baseado no manga "A silent Voice", e que visualizamos na derradeira sesión do Club de Lectura deste ano 2023.


Unha historia dura e triste pero que, ao final, como suele ser habitual, acaba ben. Como durou todo o intervalo do mediodía non puidemos comentar nada na sesión. Tería sido interesante. Cuestión de retomalo para o ano ( a ver se nos acordamos de algo). 

13 de nov. de 2023

A SILENT VOICE 1 e 2

Comezamos o curso este ano cunha comida de confraternización entre os integrantes do club de lectura e máis do grupo do teatro xa que algún alumno e algunha das profesoras implicadas pertencen aos dous grupos. Tan rico estaba todo e tanta fame tiñamos que ninguén se acordou de sacar unha foto que ilustrara o momento.

Este ano voltamos a ter un único club integrado por cinco alumnos e unha alumna de 2º a 4º de ESO.

Comezamos cun manga, A Silent Voice, tomo 1 e 2. Gustounos moito aínda que aquí notouse a diferencia xeracional entre o alumnado e as profesoras que forman parte do club. A estas últimas resultoulle máis complicado de ler e de entender.


Deu para un debate intenso sobre os protagonistas, as motivacións e as actitudes das diferentes personaxes ante o acoso escolar. Quedamos con ganas de seguir lendo os tomos seguintes que, en breve, estarán a disposición para todo o mundo na biblioteca.