Amosando publicacións coa etiqueta vellez. Amosar todas as publicacións
Amosando publicacións coa etiqueta vellez. Amosar todas as publicacións

3 de mar. de 2026

Zapatillas rotas

Zapatillas rotas de Xabier Quiroga é unha longa novela que practicamente gustou a todo o mundo a pesar das dificultades que, a priori, presentaba a obra. Moitas páxinas, o vocabulario utilizado polo autor, o exceso de descricións... pero ao final, maioritariamente enganchou.

A medida que íamos descubrindo a conexión entre as diferentes personaxes e a relación que as unía, o relato íase poñendo interesante descubríndonos unha historia sorprendente e ben triste. É curioso que o final fose inesperado cando en realidade xa comeza o libro con el. É que non nos fixamos!

4 de feb. de 2025

Arrugas

Desta volta estrenámonos no mundo da nóvela gráfica posto que parte dos integrantes do grupo, nunca lera ningunha. Eliximos para isto Arrugas de Paco Roca, unha historia que, por sinxela, non deixa de ser moi emotiva.

Que o protagonista fora ingresado nunha residencia a causa do Alzheimer fixo que gran parte do debate se centrara neste tema xunto coa preocupación polas enfermidades relacionadas coa vellez. Os distintos tipos de relacións entre as familias, a falta de espacios e actividades dirixidas á xente maior, a ausencia de políticas serias respecto ao futuro dun continxente de poboación que medra cada día máis, o envellecemento activo... Quizá a idade media do grupo levounos a debatir longa e amplamente.